EMPREGO

INFORMACIÓN E ASESORAMENTO SOBRE EMPREGO

Centro de Orientación Laboral: Espazo>Lab

Enderezo web: http://www.lugo.es/espazolab

É o servizo integral de orientación, formación e desenvolvemento dos programas de fomento do emprego do Concello de Lugo. Conta cun equipo de profesionais especializados no asesoramento laboral que coordinan as distintas iniciativas municipais en materia de emprego e, ademais, funcionan como nexo de unión entre as empresas e as persoas demandantes de emprego.

Centro de Empresas e Innovación: CEI-NODUS

Enderezo web: http://cei.lugo.es

É unha iniciativa do Concello de Lugo para a promoción económica da cidade e un apoio á posta en marcha de novas iniciativas empresariais. Con este obxectivo o CEI céntrase en: facilitar a creación de empresas de carácter innovador; na programación dunha oferta continuada de formación en materia de xestión e a innovación empresarial; e na asesoría para todo tipo de empresas interesadas en iniciar proxectos vencellados ao I+D+i.

Oficina de Información Europea: Europe Direct-Lugo.

Enderezo web: http://www.lugo.es/europedirect

Pertencente á rede de Centros de Información Europea, é o punto desde o que o Concello de Lugo ofrece un servizo de proximidade que permite aos cidadáns obter información, asesoramento , axuda e respostas as súas dúbidas sobre a lexislación, as políticas, os programas e as posibilidades de financiación da Unión Europea.

OPOSICIÓNS E OFERTAS DE EMPREGO DO CONCELLO DE LUGO

Oposicións e ofertas de emprego público do Concello.

Enderezo web: acceda directamente a sección Emprego público do Portal do Concello

Apartado coa información das oposicións e ofertas de emprego convocadas polo Concello de Lugo, para o acceso a prazas de funcionariado e persoal laboral.

PORTAL DE EMPREGO DA XUNTA DE GALICIA

Servizo Público de Emprego de Galicia.

Enderezo web: http://emprego.xunta.es

É a estrutura pública dependente da Xunta de Galicia que une dun modo integral e coordinado a todas aquelas unidades da administración autonómica que prestan servizos ou exercen funcións no ámbito das Políticas Activas de Emprego, dentro do marco territorial da comunidade autónoma.

PORTAL DOS SERVIZOS PÚBLICOS DE EMPREGO DE ESPAÑA

Servizo Público de Emprego Estatal

Enderezo web: http://www.sepe.es

Web do Servizo Público de Emprego Estatal que permite a realización de consultas, trámites en liña, obtención de certificados, renovación de demanda, etc. O Sistema Nacional de Emprego está integrado polo Servizo Público de Emprego Estatal e os Servizos Públicos de Emprego das comunidades autónomas.