Busca por letra ou por termo, ou introduce ti un termo do que queiras ter información.
| Neuroadaptación_
É un estado producido pola acción repetida da substancia psicoactiva sobre as células e redes neuronais, que provoca nestas unha serie de cambios destinados a recuperar o nivel de funcionamento previo á acción da substancia (mecanismo homoestático). Unha vez producida esta, se o drogodependente deixa de consumir o tóxico, prodúcese unha nova alteración da actividade neuronal que dará lugar á síndrome de abstinencia.
| Nicotina_
Substancia que forma parte da composición do tabaco que aumenta a tensión arterial e a frecuencia cardíaca. Xera dependencia física e tolerancia, e ten un poder adictivo de 6 a 8 veces máis forte que o alcohol.