Martes, 27 de Xaneiro de 2015
O Gabinete de Tráfico da Policía Local informa de que a partir do xoves, día 29 de xaneiro, ampliarase o corte de tráfico na Ronda das Fontiñas ata o Carril do Xuízo.
Estas alteracións no tráfico prodúcense co obxectivo de levar a cabo as obras de reparación do pavimento e renovación dos servizos na Ronda das Fontiñas dende o Carril de Caiñós ata a Rúa San Xillao.
A empresa que realiza as obras instalará sinalización informativa coa suficiente antelación para dar conta deste corte de tráfico e dos itinerarios alternativos.