Xoves, 26 de Febreiro de 2015
Dende o venres 27 de febreiro, e durante un mes aproximadamente, cortarase ao tráfico a Rúa Monte Adairo, segundo informa o Gabinete de Tráfico da Policía Local.
Este corte de tráfico realizarase desde a intersección da Rúa Monte Pico Sacro ata a intersección coa Rúa Monte Pía Paxaro e prodúcese coa finalidade de levar a cabo as obras de mellora da rede de saneamento.
A empresa que realiza estas obras instalará sinalización informativa coa suficiente antelación para avisar deste corte de tráfico e dos itinerarios alternativos.