Cargando....
Concello de Lugo
28/11/21
NOVAS
Escoita esta páxina

Arrinca o programa de conferencias escolares Arqueoloxía na Escola


# Xoves, 22/02/2007
O Alcalde e a Concelleira de Educación inaugurarán o venres o ciclo no colexio da Ponte

A Concellería de Educación, que dirixe María Dolores Vieiro, dará comezo mañá, venres, unha nova edición do programa Arqueoloxía na Escola, que tivo a súa orixe hai dous anos.

Neste programa participarán preto de 250 rapaces do último ciclo de Primaria de nove centros públicos de Lugo. Foron estes centros os que se sumaron a esta iniciativa, que foi presentada e ofertada a todos os colexios públicos do termo municipal.

O programa desenvolverase todos os venres a partir de mañá e sempre co mesmo horario, de 12:45 a 13:45 horas.

Con este programa preténdese dar a coñecer o pasado romano a través dos restos arqueolóxicos que se foron atopando nos últimos anos, abordando temas como o mapa histórico e xeográfico, o abastecemento de auga da cidade, infraestruturas viarias, a casa romana, as termas, a industria e o comercio e, por suposto, a muralla.

Estas conferencias estarán a cargo dos tres arqueólogos municipais, que se irán turnando nos diferentes centros. Todo isto irá precedido dunha introducción onde se explicará a chegada dos romanos a Lugo.

Esta primeira conferencia do ciclo actual será presentada mañá polo Alcalde de Lugo, José López Orozco, e a Concelleira de Educación, María Dolores Vieiro, e estará a cargo de Covadonga Carreño.

Os membros do equipo de goberno explicarán o fundamento deste proxecto e a súa finalidade educativa. Esta primeira ponencia terá lugar no Salón de Actos do colexio da Ponte.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova