Cargando....
Concello de Lugo
01/10/20
NOVAS
Escoita esta páxina

Rematan as xornadas sobre anorexia e bulimia coa participación de 700 adolescentes


# Xoves, 22/03/2007
Organizadas pola Concellería de Servizos Xerais, están dirixidas a mozas e mozos do primeiro ciclo de Secundaria

A Concellería de Servizos Xerais, que dirixe Luisa Zarzuela, pecha mañá, venres, unha nova edición das xornadas de “Transtornos da alimentación: anorexia e bulimia”, que se levan a cabo nos institutos da cidade. Un total de 700 alumnos están a participar nesta nova edición, a cuarta, procedentes de nove centros de ensino de Secundaria.

As reunións informativas estiveron a cargo novamente de Ana Isabel Gutiérrez. Esta muller é licenciada en Psicoloxía nas especialidades de Clínica e Social e Traballo, ademais de técnico especialista en Transtornos da Conduta Alimentaria e Prevención de Drogodependencias.

A súa formación continuada e completa nesta especialidade permite a súa cercanía aos rapaces. Segundo explicou a Concelleira, todos os anos descóbrense casos de anorexia e bulimia durante as charlas.

As conferencias desenvolvéronse dende o luns e porán punto final a esta edición nos centros Leiras Pulpeiro, ás dez da mañá, e no Nosa Señora dos Ollos Grandes, á unha e media. Os rapaces reciben, como complemento ás charlas, unha carpeta informativa sobre estas dúas enfermidades.

Luisa Zarzuela tén explicado que a anorexia e a bulimia están presentes no 14% da poboación adolescente entre 14 e 20 anos, o que significa o 5% de toda a poboación en xeral. Indicou tamén que está a aumentar o número de casos porque comeza a ampliarse a franxa de idade de afectados, tanto en pequenos menores de 10 anos como en mulleres de entre 35 e 50 anos.

Ademais, a mortandade pode alcanzar o 10 por cento das afectadas e se fai crónica no 2% dos casos. Do mesmo xeito, estas enfermidades comezan a ter unha relevancia numérica tamén entre os varóns.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova