O Concello amplía o número de premios do concurso on line Pinta con nós debido á gran participación

# Luns, 21/05/2007
A masiva participación que rexistrou o certame organizado pola Concellería de Servizos Xerais para conmemorar o Día de Internet animou ao Concello a ampliar o número de premios do concurso de debuxo on line “Pinta con nós” de 4 a 24 premios. Os 24 galardóns serán entregados polo Alcalde, José López Orozco, nun acto que terá lugar o mércores, día 23, ás 20:00 horas no Salón de Plenos da Casa Consistorial.

Entre os gañadores repartiranse dúas consolas Nintendo DSLite, dous teléfonos móviles de última xeración, dez teléfonos inalámbricos e dez aparatos radiofónicos. Ademais, todos os participantes recibirán un agasallo simbólico. O xurado, que se reuniu esta mañá para faiar o concurso, seleccionou aos 24 gañadores. Os membros do xurado destacaron a orixinalidade dos traballos e a súa calidade.

Esta primeira edición do concurso de debuxo on line “Pinta con nós” levantou moito interese entre os internautas polo que tivo que ser ampliado o prazo de participación, que se pechou o día 20 con preto de 200 debuxos rexistrados.

Na páxina web pódese consultar o listado dos premiados aos que a organización convida a poñerse en contacto a través do teléfono 010 do Concello para facilitar os datos e concretar a súa participación no acto oficial da entrega de premios.


OS GAÑADORES SON:

AUTOR	OBRA
AAD	EU TAMÉN XOGO
BERNIE	BAGOAS
BIBI	O BAILE EN LUGO
CATUXA	AS NÓRDICAS VEÑEN A LUGO
CHE	EL OJO VAGO
FLIPEO12	TO BE OU NON SER?
GOROL	NADADOR
ICHI	PAISAXE ROMANA
KRIS	CO SOL TODO SE DERRITE
LUCIA	FLORES
LUGUITIS	LUGO E MAIS
MARES	LUGONALÚA
MARISA	LUZ
MIGUELITO	A NAVEGAR
MINDI DE MENDI	COMPLEMENTÁNDONOS
MIQUIÑO	DON PEPITO O DON JOSÉ?
MKD	INTERNET N LINUX N LUGO
MONIKK	MENÚ DEL DÍA:INTERNET
PATRI	ARTE EN LUGO
RYR	COMUNICACIÓN NO MUNDO
TORRIJAS	AS NOVAS TECNOLOXIAS INVADEN LUGO
UNO QUE PASABA	PONTE ROMANA
ZER01	LUGO ESTÁ VIVO
ZIVA	MI HUELLA DIGITAL

Compartir: