O prazo para inscribirse na Maratón Tecnolóxica do programa Conéctate en Lugo no Verán remata este xoves
# Mércores, 12/09/2007
A inscrición pode realizarse ata as 14:00 horasa través do 010 ou na Aula Multimedia de O Castiñeiro
prazo para inscribirse na Maratón Tecnolóxica estará aberto ata as 14 horas deste xoves, día 13 de setembro, e os interesados en participar poden formalizar a inscrición a través do Servizo 010 ou nas instalacións da Aula Multimedia do Castiñeiro de 9:30 a 14:00 horas.
Esta maratón, que pechará o programa Conéctate en Lugo no Verán, celebrarase o venres, 14 de setembro, entre as 9:00 e as 21:00 horas na Aula Multimedia de O Castiñeiro. Esta actividade é gratuíta e está aberta a todo o público.
Establécense dúas categorías de participación, ben a nivel individual, ben a través dunha Familia Dixital. Os únicos requisitos para conformar unha familia dixital é contar con tres membros como mínimo e que un deles sexa un maior de 55 anos ou traballe nas tarefas do fogar.
O programa da maratón inclúe unha “Ginkana web”, que consistirá na resolución de preguntas e probas a través de Internet. Tamén facilitará a navegación pola rede e a participación en foros e chats. Asimesmo, celebrarase un concurso de “Caras divertidas” que consistirá no retoque dixital de fotografías dun xeito creativo.
Os participantes poderán compartir as experiencias do programa a través dun foro e colgarán os contidos das actividades do Conéctate en Lugo no Verán nun blog colectivo. Ademais, celebrarase unha vídeoconferencia con cidadáns de Monterroso, usuarios da aula tecnolóxica desa vila.
O premios para a categoría individual consistirá nunha cámara dixital, metres a Familia Dixital gañadora recibirá unha viaxe en catamarán polos Cañones do Sil.
Compartir: