O Concello de Lugo pon a funcionar un servizo en liña para a solicitude de empadroamento
# Martes, 23/10/2007
A novidade atópase na Oficina Virtual da web municipal
A Concellería de Servizos Xerais, que dirixe Luisa Zarzuela, puxo en marcha o procedemento para solicitar o certificado de empadroamento a través de Internet. Este servizo, pódese atopar no apartado de Oficina Virtual da web do Concello de Lugo: www.lugo.es .
O sistema é moi sinxelo, só hay que consignar os datos no formulario e a sección de estatística porase en contacto co usuario para indicarlle cando pode pasar a recoller o documento solicitado.
Con isto, o Concello de Lugo cumpre coas seguintes premisas da nova lei de Acceso Electrónico dos Cidadáns ás Administracións Públicas:
- Garantir o dereito ós cidadáns e empresas a relacionarse electronicamente co Concello.
- Manter unha oferta de servizos en liña que se corresponda coa demanda existente.
- Os cidadáns poderán facer seus trámites 24 horas ó día ós 365 días do ano.
- Garantir a existencia de canles axeitados con cidadáns e empresas.
- Modernizar o Concello de Lugo promovendo o uso das Tecnoloxías da Información e a Comunicación.
Compartir: