Cargando....
Concello de Lugo
29/03/24
NOVAS
Escoita esta páxina

Remata no CEIP Illa Verde o programa de charlas Arqueoloxía na Escola


# Xoves, 03/05/2007
Uns 250 estudantes de quinto e sexto de Primaria de nove centros de ensino foron informados das orixes romanas da cidade

O ciclo de conferencias do programa Arqueoloxía na Escola, que se celebra por segundo ano organizado polo Concello de Lugo, remata mañá, venres, no colexio Illa Verde.

Neste programa participaron preto de 250 rapaces do último ciclo de Primaria de nove centros públicos de Lugo. Foron estes centros os que se sumaron a esta iniciativa, que foi presentada e ofertada a todos os colexios públicos do termo municipal.

A apertura oficial do programa tivo lugar no colexio da Ponte e estivo a cargo do Alcalde, José López Orozco, e da Concelleira de Educación, María Dolores Vieiro, organizadora do ciclo. O CEIP Illa Verde tivo que suspender esta sesión o pasado 20 de abril no último momento, polo que pasa a rematar o ciclo.

O programa desenvolveuse todos os venres co mesmo horario, de 12:45 a 13:45 horas. Participaron neste programa, ademais de na Ponte, no Sagrado Corazón, no Menéndez y Pelayo, no Manuel Mallo, no Casás, no Rosalía de Castro, no Paradai e no Luis Pimentel.

Con este programa preténdese dar a coñecer o pasado romano a través dos restos arqueolóxicos que se foron atopando nos últimos anos, abordando temas como o mapa histórico e xeográfico, o abastecemento de auga da cidade, infraestruturas viarias, a casa romana, as termas, a industria, o comercio e, por suposto, a muralla.

Estas conferencias estiveron a cargo dos tres arqueólogos municipais, que se turnaron nos diferentes centros. Todo isto vai precedido dunha introducción onde se explica a chegada dos romanos a Lugo.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova