Cargando....
Concello de Lugo
29/03/24
NOVAS
Escoita esta páxina

O Campionato Galego de Atletismo achega este domingo a Lugo a máis de 600 atletas


# Venres, 18/05/2007


Lugo acolle o vindeiro domingo, día 20, o Campionato Galego de Atletismo Cadete e Xuvenil, que se celebrará nas pistas Gregorio Pérez Rivera a partir das 10:30 horas.

Esta competición achegará a Lugo a máis de 600 atletas de toda Galicia que disputarán as probas das distintas modalidades de atletismo (velocidade, valados, saltos, lanzamento, etc.). Estas probas son puntuables para o vindeiro campionato nacional escolar que se celebrará en Ibiza.

Para a celebración deste campionato na cidade desplegaranse medios técnicos e humanos equiparables aos das competicións internacionais de primeiro nivel. Un equipo de 20 xuíces, 15 axudantes de pista e 15 auxiliares de pista darán asistencia aos rapaces, que disputarán ata 70 competicións das que sairán os seleccionados para representar a Galicia en Ibiza. Ademais, estrearase un sistema de photo finish que é o único autorizado polas federacións para establecer as marcas de tempo.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova