Cargando....
Concello de Lugo
06/12/21
NOVAS
Escoita esta páxina

As charlas médicas para a terceira idade continúan esta semana en dous barrios


# Venres, 09/03/2007
O ciclo está organizado polo Concello, que percorrerá a zona rural co fin de dar cobertura informativa a todos os lucenses

A Concellería de Muller e Benestar Social está a desenvolver xunto ao Servicio Galego de Saúde un ciclo de charlas médicas que, baixo o título Sanidade na terceira idade, visitará esta semana os barrios de Fontiñas e As Regas. As charlas comezaron o pasado día 2 na parroquia lucense de Coeses. Esta iniciativa obedece ao convenio de colaboración asinado entre o Concello, o Sergas e o Colexio Oficial de Enfermería de Lugo para levar a cabo unha serie de accións formativas relacionadas coa saúde.

A charla de Fontiñas será o luns, ás seis da tarde, e nas Regas o 16 ás oito da tarde. O calendario deseñado cubrirá as seguintes zonas do municipio:

- Trapero o 20 de marzo, ás 18 horas;
- Recimil o 23 de marzo, ás 18:30 horas;
- Romeán o 11 de abril, ás 18 horas;
-As Gándaras o 12 de abril, ás 20 horas;
-O Sagrado Corazón o 18 de abril, ás 20 horas;
-Díaz Castro o 19 de abril, ás 18 horas;
-Burgo o 27 de abril, ás 19:30 horas;
-Ribas de Miño o 10 de maio, ás 20 horas;
-Tirimol o 11 de maio, ás 20:00 horas;

Rematarán o 25 de maio en Soñar coa charla que se celebrará ás 18 horas.

As charlas percorrerán distintos barrios da cidade e a zona rural co fin de dar cobertura informativa a todos os lucenses sobre temas de gran interés para a población como son as enfermidades que afectan á terceira idade. Estas ponencias estarán impartidas por profesionais especializados en mediciña xeriátrica e abordarán temas relacionados coa saúde dos maiores dende a perspectiva da prevención (para fomentar hábitos saudables de dieta, exercicio físico e hixiene) e da enfermidade, ofrecendo información sobre as afeccións típicas como demencias ou alzheimer. Outras materias das que se informará será o uso adecuado dos medicamentos ou a saúde da muller.

As conferencias son totalmente gratuítas e estarán abertas á participación do público asistente co fin de ofrecer a oportunidade de plantexar as súas dúbidas e comentarios sobre estes temas aos expertos.

Dende o Concello o que se busca ao desenvolver este tipo de actividades é satisfacer unha demanda dos ciudadanos cada vez máis concienciados da necesidade de adoptar hábitos saudables e de previr enfermidades.

Cando finalicen as distintas accións formativas contempladas neste convenio de colaboración, as institucións participantes editarán unha publicación coa escolma dos contidos abordados ao longo das actividades desenvolvidas.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova