Un dragón xigante e un espectáculo de globos e papeis de cor, novidades da Cabalgata deste ano

# Venres, 05/01/2007
Preto das cen persoas e catro carrozas compoñen a comitiva da Cabalgata de Reis que organiza a Concellería de Cultura do Concello de Lugo como prato forte das festas de Nadal.

Este acto, que deu comezo pasadas as cinco e media da tarde con saída do Autorio Gustavo Freire, prolongouse até última hora da tarde.

A comitiva mantivo o seu horario habitual pola avenida da Coruña, praza de Ferrol, San Marcos, Santo Domingo e rúa Raíña, para chegar á praza Maior, fronte ao Concello.

Foi neste lugar onde se produxo a novidade deste ano, consistente nun enorme dragón feito de globos e un espectáculo de luz e papel de cor.

A cabalgata estivo encabezada pola Policía Local seguida de 5 cabalos e 1 poni. A continuación foi un grupo de beduínos e un dragón voador formado por globos. Estivo conformada por catro carrozas, unha por cada Rei Mago e a última incorporada polo Centro Comercial das Termas.

Entre a primeira e a segunda carroza houbo pallasos xigantes e paxes e entre a segunda e a terceira catro personaxes de Barrio Sésamo. Tamén, entre a terceira e a cuarta 6 monociclos e zancudos animaron tamén o percorrido.

A comitiva estivo pechada por pompeiros, a Banda Municipal, a Policía Local e os Bombeiros.

Mentres esperaban aos Reis, os rapaces que esperaban na praza Maior contaron cun grupo de animación.

Os tres Reis Magos, Melchor, Gaspar e Baltasar, foron recibidos polo Alcalde de Lugo e a súa Corporación nos soportais do Concello. Seguidamente subiron até o balcón onde o Melchor pronunciou o seu discurso no que prometeu ás rapazas e rapaces de Lugo a construcción de máis xardíns de xogos e a da Casa das Linguas.

O Alcalde recibiu de mans dos Reis Magos o seu agasallo, consistente nunha vaquiñas como primeiro paso para a posta en marcha do CETAL, un tren de xoguete, que simboliza a chegada do AVE, e nunhas moedas de ouro para facer as obras que sexan necesarias para a cidade.

Tras un pequeno aperitivo, os tres Reis Magos recibiron nos seus tronos a todos os pequenos que o desexaron. Deixaron as súas peticións e levaron como recordo unha bolsa de golosinas.

Durante toda a cabalgata repartíronse 850 quilos de caramelos doados por Begasa, Carrefour e la Caixa, ademais dos mercados á Solidariedade Internacional.

Para a ocasión, a Casa Consistorial contou co adorno das escaleiras con arcos de globos de tres colores, amarillo, gris e negro, que simbolizan o ouro, o incienso e a mirra, os tres agasallos que levaron os Reis ao portal de Belén.

Previamente ao inicio da Cabalgata, os membros da Asociación María Castaña interpretaron cantos de Reis no fondo da praza Maior.


Compartir: