Cargando....
Concello de Lugo
28/03/24
NOVAS
Escoita esta páxina

Unha media de 600 persoas acudiron a cada unha das sete representacións da Mostra de Teatro Clásico


# Martes, 06/02/2007


Unha media de 600 persoas acudiron a cada unha das sete representacións da Mostra de Teatro Clásico, que remataron o luns coa posta en escea de El Trovador. Esa convocatoria está organizada dentro do convenio semestral de colaboración en materia de cultura entre o Concello de Lugo e Caixanova.

Segundo indicou a Concelleira, trátase dunha porcentaxe de público que pon de manifesto “que os certames teatrais están xa consolidados”. Fixo referencia a que algúns centros escolares de Secundaria de Galicia aproveitaron a Mostra para achegar aos seus alumnos ao Teatro Clásico de calidade.

As obras de teatro máis vistas foron Ricardo III, a obra que abriu o programa, e Macbeth, de Sarabela Teatro, unha obra feita por un grupo galego e en galego. “Pode verse niso que o público está cambiando e que xa non ten medo de asistir a unha obra dun claro matiz galego”, dixo.

Engadiu tamén que a calidade das obras, e en especial a de Sarabela Teatro, significou o empuxe necesario para as cifras que se manexaron este ano en número de público.

A Concelleira indicou que nas distintas edicións de mostras e certames seguirase a traballar nesta dinámica de traer a calidade aos escearios lucenses e a prezos populares.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova