Cargando....
Concello de Lugo
28/03/24
NOVAS
Escoita esta páxina

Remata en Soñar o ciclo de charlas médicas


# Xoves, 24/05/2007


A Concellería de Muller e Benestar Social remata mañá, venres, un ciclo de charlas médicas que, baixo o título Sanidade na terceira idade, organizado xunto ao Servicio Galego de Saúde nas distintas parroquias e barrios de Lugo. O ciclo remata na parroquia de Soñar, ás seis da tarde do venres.

Esta iniciativa obedece ao convenio de colaboración asinado entre o Concello, o Sergas e o Colexio Oficial de Enfermeiría de Lugo para levar a cabo unha serie de accións formativas relacionadas coa saúde. Neste ciclo visitaron un total de 13 lugares, entre barrios e parroquias, aproveitando os centros sociais e locais de asociacións.

As charlas tiveron a función de dar cobertura informativa a todos os lucenses sobre temas de gran interese para a población como son as enfermidades que afectan á terceira idade. Estas ponencias estiveron impartidas por profesionais especializados en mediciña xeriátrica e abordaron temas relacionados coa saúde dos maiores dende a perspectiva da prevención (para fomentar hábitos saudables de dieta, exercicio físico e hixiene) e da enfermidade, ofrecendo información sobre as afeccións típicas como demencias ou alzheimer. Outras materias das que se informou foron o uso adecuado dos medicamentos ou a saúde da muller.

As conferencias foron totalmente gratuítas e abertas á participación do público asistente co fin de ofrecer a oportunidade de plantexar as súas dúbidas e comentarios sobre estes temas aos expertos.

Dende o Concello o que se busca ao desenvolver este tipo de actividades é satisfacer unha demanda dos ciudadanos cada vez máis concienciados da necesidade de adoptar hábitos saudables e de previr enfermidades.

Cando finalicen as distintas accións formativas contempladas neste convenio de colaboración, as institucións participantes editarán unha publicación coa escolma dos contidos abordados ao longo das actividades desenvolvidas.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova