Cargando....
Concello de Lugo
28/03/24
NOVAS
Escoita esta páxina

O Concello celebra o primeiro Magosto Popular pola Tolerancia para crear un encontro de culturas na cidade


# Luns, 12/11/2007
O grupo tradicional Tahona ofrecerá un concerto para maiores cun repertorio de música popular

A Concelleira de Muller e Servizos Sociais presentou novas actividades de carácter lúdico que organiza a súa concellería para os vindeiros días.

A primeira delas é o I Magosto Popular pola Tolerancia, que continúa co costume de anos anteriores de celebrar o tradicional magosto, pero que este ano introduce como novidade que servirá de encontro intercultural para todos os cidadáns de Lugo. A edil explicou que a partir deste ano esta celebración dedicarase a unha nacionalidade distinta para homenaxear a todos os inmigrantes que viven na cidade.

Nesta primeira edición, o encontro intercultural estará dedicado á poboación de orixe magrebí. Carmen Basadre destacou que “Lugo é unha cidade integradora e hai que seguir traballando neste eido.” Tamén engadiu que “é un momento importante para realizar este tipo de actos para aproveitar a diversidade cultural da que gozamos na cidade e ten que servir para que os cidadáns compartan estas actividades lúdicas”.

Este encontro terá lugar o venres día 16 de novembro, a partir das 17:30 horas, na Praza de Santa María. Ademais de ofrecer un espazo de convivencia e de xuntanza entre culturas, todos os que se acheguen terán a oportunidade de degustar dous pratos gastronómicos tradicionais como son as castañas asadas do Courel, das que se servirán 1.000 quilos, e o cuscús magrebí.

A música tamén estará presente nesta festa outonal da man dos grupos Stranniki, María Castaña e Harmonía.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova