Seleccionados os gañadores do VI Concurso de Debuxo de Educación Viaria
# Luns, 23/04/2007
Batiuse o récord de participación con máis de 800 traballos presentados
O xurado da VI edición do Concurso de Debuxo de
Educación Viaria Cidade de Lugo reuníuse ás 11:00 horas desta mañá para seleccionar os debuxos gañadores deste certame destinado a todos os escolares e estudantes de Secundaria e Bacharelato de toda Galicia.
A Concelleira de Educación, Dolores Vieiro Núñez, presidiu o xurado, que estivo integrado polo Xefe Provincial de Tráfico -Julio González Díez-, o Director do Parque Infantil de Tráfico -José Reigosa García-, o Director da Escuela de Artes Ramón Falcón de Lugo -Manuel Lamas Castro-, unha representante da Fundación Mapfre de Seguridade Vial -Esther López Vázquez- e outra representante da Xefatura Provincial de Tráfico -Sara Fuenteseca Teijeiro-.
Nesta edición participaron 36 centros educativos de toda Galicia e batiuse o récord de participación ao acadar os 827 debuxos presentados.
Os membros do xurado coincidiron en salientar a extraordinaria calidade dos traballos presentados e a capacidade dos rapaces para reflexionar sobre a gravidade dos problemas que orixina o tráfico. Os nenos que participaron abordaron este tema desde distintos puntos de vista, tanto desde o drama dos accidentes de circulación ou o caos dos atascos, como desde a perspectiva da prevención e da aplicación de boas maneiras na condución.
Os gañadores que resultaron seleccionados segundo as distintas categorías contempladas nas bases son:
O centro escolar con maior participación:CPR. San Fermín de Caldas de Reis - Pontevedra
Centro escolar con maior calidade artística:IES. Carlos Casares de Vigo - Pontevedra
Categoría E (Educación Especial):1º.- Melisa Boo Tubío do CEE. APADER de Cedeira - A Coruña
2º.-Luis Casás Abuín do CEE. A.S.P.N.A.I.S. de Lugo
3º.-Rocío López Rodríguez CEE. Santa María de Lugo
Categoría D. (4º secundaría, 1º y 2º de Bacharelato):1º.- Iria Lores Villar do CPI. Covaterreña de Baiona - Pontevedra
2º.-Iria Barroso Fernández do IES. Lagoa de Antela de Xinzo de Limía - Ourense
3º.-Iván Davila Quintas do IES. Carlos Casares de Vigo - Pontevedra
Categoría C. (1º,2º y 3º de Secundaria):1º.-Jennifer Garzón Expósito do CPI. Covaterreña de Baiona - Pontevedra
2º.-Nerea Armendáriz Barreira do IES. Politécnico nº 1 de Lugo - Lugo
3º.-Alberto Torres Temes do CPR. San Fermín de Caldas de Reis - Pontevedra.
Categoría B. (4º,5º y 6º de Primaria):1º.-Noelia González Castro do CEIP. Chandrexa de Queixa de Celeiro - Ourense
2º.-Pablo Peláez Campos do CEIP. Juan Rey de Lorenzana - Lugo
3º.-Sergio M. Currás Rivera do CEIP. Luis Pimentel de Lugo - Lugo
Categoría A. (1º,2º e 3º de Primaria):1º.-Lucía Silvestre Dacal do CEIP. Nosa Sra. Do Carme de Calvos de Randín - Ourense
2º.-Laura Castro Martínez-Cabrera do CPR. Estudio de Nigrán - Pontevedra
3º.-Paula Gil Lorenzo do CPR. Sagrado Corazón de Lalín - Pontevedra
Esta iniciativa municipal está orientada a fomentar unha boa educación viaria entre os nenos e os mozos galegos e convídaos a reflexionar sobre este tema a través dun exercicio de creatividade.
Os galardóns do concurso entregaranse o día 5 de maio nun acto encadrado dentro do programa da Festa da Seguridade Viaria. O concurso establece tres premios para cada categoría e consisten en ordenadores portátiles, bicicletas e cascos, minicadeas musicais ou trofeos segundo a categoría.
Festa de Seguridade ViariaEste acontecemento vense celebrando dende hai seis anos e conta cun amplo programa de actividades lúdicas relacionadas coa educación en materia de seguridade viaria. O Concello instalará en varios puntos do centro histórico distintas zonas de actividades como un circuíto de karts e de ciclomotores, outro de radiocontrol, unha exposición de aeromodelismo e unha zona para aprender patinaxe.
Esta celebración terá lugar os días 5 e 6 de maio e, ademais, todos os debuxos recibidos serán expostos nunha carpa instalada na Praza Maior.
Compartir: