Cargando....
Concello de Lugo
13/07/20
NOVAS
Escoita esta páxina

Os almorzos saudables rematan este venres a súa cuarta edición


# Xoves, 08/03/2007


A cuarta edición dos Almorzos Saudables remata este venres coa visita ao último colexio inscrito neste programa organizado pola Concellería de Servizos Xerais.

Este programa foi elaborado para concienciar a pequenos e pais da importancia de almorzar correctamente para render no colexio.

O colexio de As Josefinas acolle este venres a derradeira sesión desta edición cun almorzo saudable a 105 alumnos.

Nesta tempada dos almorzos saudables participan un total de 1.964 rapazas e rapaces de 6 a 8 anos cun programa que se desenvolverá en todos os colexios da cidade.

O programa segue a mesma dinámica que en edicións anteriores, aínda que como novidade o cacao que se reparte é das tendas de comercio xusto. De feito, unha persoa desta asociación participa no programa explicando aos rapaces a procedencia deste cacao e o funcionamento destas tendas.

Como en anos anteriores, os rapaces reciben de agasallos lápices e bolígrafos do programa, así como un CD con xogos para poder velo na súa casa cos pais e nos que a mascota do programa, Cunkin, lembra a necesidade de almorzar antes de ir ao colexio.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova