O xurado do III Concurso de Tapas celebrará este xoves, día 27 de setembro, a súa primeira xuntanza para elexir os catro finalistas da categoría de tapa creativa. A selección realizarase entre os 18 establecementos que participaron no certame nesta modalidade.
Os membros do xurado daranse cita no Gran Hotel a partir das 11:00 horas. Este xurado estará integrado por cinco profesionais da hostalería que desenvolven o seu traballo no ámbito da docencia, exercendo a súa labor como profesores de hostalería na provincia de Lugo:
- Celia García Pena
- Carlos Torres Penas
- Jenaro Fieira Noya
- Concepción Carreiras Vizoso
- Juan Luis González Riveiro
Estes cinco acreditados especialistas en gastronomía valorarán as 18 propostas culinarias e darán a coñecer os resultados da súa deliberación ás 14:30 horas.
O venres, día 28 de setembro, reuniranse de novo para elexir os catro finalistas da categoría tradicional entre os 15 participantes. Os gañadores do III Concurso de Tapas coñeceranse o día 1 de outubro.
O xurado degustará as 18 tapas que participaron na modalidade:
Nº RECETA |
TAPA E ESTABLECEMENTO |
PREZO DA TAPA |
DESCRICIÓN DA TAPA |
1 |
Polbo camiño de Lugo |
2.50 |
Representa unha alegoría dun polbo que vén chegando a Lugo para ser degustado nas casetas do próximo San Froilán. |
2 |
Calayaya |
0.50 |
Formada por carne picada, arroz, pemento, cenoria, sal, pementa... envolto en repolo e adornado con ketchup ou maionesa. |
3 |
Carrilleira de ibérico e o viño Mencía |
2.50 |
Combinación tradicional de carrilleira de ibérico cunha espuma de pataca, froitas e o viño Mencía sólido. |
4 |
Hamburguesa de sepia con pan de marisco coas súas |
0.50 |
Decoración dunha hamburguesa tradicional con sabores modernos: o pan de marisco con sésamo, a carne é de luras, as patacas son os seus propios tentáculos e o ketchup é unha salsa de mariscos. |
5 |
Milfollas de foie e mazá verde |
3.00 |
Tosta milfollas foie e mazá verde con redución de P.X. Gratinada en tosta de pan. |
6 |
Brocheta de ibérico e piña |
1.80 |
Dúas brochetas de ibérico e piña montadas, medio tomate cherry. Acompañado con salsa curry servida aparte. |
7 |
Bonito de Burela aderezado ó vinagre de Módena |
2.00 |
Bonito aderezado sobre vinagre de Módena, acompañado de patacas fritidas e pan tostado. |
8 |
Xuliana de lura e vieira con caviar de orizos |
3.00 |
Xuliana formada por lura e vieira con allo, sal e aceite de oliva acompañada de caviar de orizo, todo aderezado con espuma de pataca e aceite de perexil. |
9 |
Delicias de queixo |
1.50 |
Queixo de cabra fundido aderezado con marmelada e redución de vinagre de Módena. Sérvese sobre galleta mariñeira. |
10 |
Prensado de polbo e pataca |
2.50 |
Prensado de polbo con patacas acompañado dunha sopa de grelos, unha romesca de castaña e chips de nabo. |
11 |
Cachola de porco celta, caviar de grelos e aire de cachelo |
2.00 |
Cachola de porco celta cocida ó baleiro e prensada, acompañada con produtos tradicionais como grelos e cachelos. |
12 |
Coxas de polo recheas de marisco |
2.00 |
Coxas de polo recheas de marisco, aderezados cunha salsa de whisky, nata e queixo. |
13 |
Feitizo de algas e estrugas |
3.00 |
Leituga de mar, espaguetes de mar, bechamel con orizos e algas e o ingrediente estrela: a ortiga. Todo isto bañado con dúas salsas; unha delas con dúas tintas: de lura e outra verde esencia de algas. |
14 |
Bombón de lacón con grelos |
0.80 |
Filloa rechea con grelos, lacón cunha redución de viño Mencía, aceite de cogomelos, fariña de castaña e noz. Presentado en forma de bombón. |
15 |
Ensalada río Miño |
2.00 |
Ensalada fría na que atopamos leituga, así como gulas e gambas acompañadas de salsa rosa. |
16 |
Bacallau con puré dúas cores |
1.50 |
Bacallau acompañado de puré rústico de pataca e puré natural de tomate. |
17 |
Crocante de pastel de cabracho con froitos do mar |
1.50 |
Canutillo de pasta brick recheo de berberechos e pastel de cabracho, xunto cunha brocheta de tomate cherry e mexillón sobre un leito de maionesa e leituga xuliana. |
18 |
Pastel de cabracho sobre reducións de vinagre |
2.00 |
Pastel formado por cabracho desmembrado, tomate, ovo, nata líquida, allo, cebola, sal, pementa branca, manteiga, aceite e crema de marisco. Preséntase acompañado de tostas de pan e unha salsa tártara |