Cargando....
Concello de Lugo
29/03/24
NOVAS
Escoita esta páxina

Caixa Galicia colabora na programación cultural do Concello de Lugo


# Xoves, 11/10/2007
José Luis Méndez e José López Orozco asinaron un convenio polo que a Fundación Caixa Galicia aportará 240.000 euros.

O director xeral de Caixa Galicia, José Luis Méndez López, e o alcalde de Lugo, José López Orozco, asinaron un convenio de colaboración entre a Fundación Caixa Galicia e o Concello para a realización de actividades culturais en Lugo.

O convenio establécese co obxectivo de desenvolver novos proxectos culturais da mellor calidade e diversidade, e renova a fructífera colaboración que ambalas dúas entidades manteñen nos últimos anos.

A Fundación Caixa Galicia aporta 240.000 euros para o desenvolvemento da programación cultural da cidade, que engloba actividades culturais de todas as disciplinas artísticas. Destas actividades, unha parte serán organizadas e realizadas polo Concello e outras pola Fundación Caixa Galicia.
A programación a desenvolver no marco do presente convenio comprende as máis diversas áreas culturais. Entre todas estas actividades cabe sinalar:

• Exposicións: “Itinerario del trazo. Dibujos e Ilustración de Luis Seoane”, “Sylvia Plachy: De reojo”.
• Música: Festival de Música Cidade de Lugo, Festas de San Froilán, Festival Interfolk, Ciclo de Música brasileira.
• Teatro: Teatro Infantil.
• Cine: Dous ciclos de cine.

No acto, José Luis Méndez amosou “unha gran satisfacción pola confianza que os lucenses teñen depositada en nós como entidade financeira e como entidade social e cultural”. E engadiu que “o compromiso próbano o número de clientes e o noso negocio na cidade e na provincia, pero tamén a alta participación que os cidadáns teñen nas actividades que desenvolvemos na nosa aula sociocultural, no Centro de Maiores e en Ciberalia”.

Pola súa parte, o alcalde de Lugo, José López Orozco, dixo estar moi satisfeito pola sinatura deste convenio, que permitirá ó Concello poñer en marcha as súas actividades culturais máis destacadas cun amplo respaldo “en Lugo hai espectáculos de calidade e cada vez son máis numerosos”.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova