Imprimir

UNHA EMPREGADA DUNHA GASOLINEIRA RESULTA FERIDA GRAVE Ó SER ATROPELADA POR UN TURISMO QUE ACABABA DE SURTIR


19/1/2007

O equipo de atestados da Policía Local desprazouse á avda. Benigno Rivera para levantar atestado polo atropelo dunha muller na gasolineira sita nesta avenida cruce coa rúa Artesáns.

O atropelo tivo lugar, hoxe día 19 ás 7.20 horas. Segundo as primeiras informacións o accidente producíuse cando a empregada da gasolineira acababa de repostar o turismo 4687CPL e agachouse diante para mirar unha tapa de rexistro. A conductora do turismo, I.C. F. , de 25 anos , veciña de Vilalba, non se percatou da presencia da operaria que resultou ferida grave.

A vítima L.G.D. de 28 anos, veciña de Outeiro de Rei foi trasladada por unha ambulancia do 061 ó Hospital Xeral onde está sendo atendida.