O Concello resultou galardoado co Premio Proxectos de Promoción Exterior na 9ª edición da Convocatoria Anual de Premios da Fundación CEL. A cerimonia de entrega ten lugar esta noite, ás 21:00 horas, durante unha cea de gala no Gran Hotel e o Alcalde, José López Orozco, recollerao en representación de todos os lucenses. Ao acto tamén acudirán a Concelleira de Cultura, Concepción Burgo, e a Concelleira de Servizos Xerais, Luisa Zarzuela.
Este galardón supón un recoñocemento ao labor de promoción das Festas de San Froilán que deseñou o Concello co fin de dar a coñecer as festas patronais do ano 2005. Durante o mandato de José López Orozco o San Froilán acumulou os máis importantes recoñecementos como: Declaración de Festa de Interese Turístico Galego e Fiesta de Interés Turístico Nacional.