O Concello de Lugo recibe o premio Reina Sofía de Accesibilidad

# Martes, 06/03/2007
O Alcalde, José López Orozco, recibirá mañá, mércores, no nome do Concello de Lugo o premio Reina Sofía 2006 de accesibilidade universal de municipios. A entrega oficial do galardón terá lugar á unha da tarde no salón Magnolias do Pazo da Zarzuela.

A comitiva lucense estará formada tamén pola Concelleira de Muller e Benestar Social, Carmen Basadre, e Aquilino González Álvarez, representante de Auxilia en Lugo e membro do Gabinete de Accesibilidade do Concello.

A cidade de Lugo recibe este galardón dentro da categoría de municipios entre 10.0001 e 100.000 habitantes. A mesma distinción recibe o Concello de Santiago, na categoría de concellos de máis 100.000 habitantes, e os de Fontanar (Guadalaxara) e Ribadesella (Asturias), na categoría de concellos de menos de 10.000 habitantes.

Será a propia Reina Sofía a que fará entrega dos galardóns aos alcaldes destes catro concellos, que nunha pequena intervención terán ocasión de dar o seu agradecemento a estes premios, que representan a esencia do recoñecemento en materia de accesibilidade.

Ademais, tamén se fai entrega neste acto dos premios en prevención da discapacidade ao Servizo de Xenética do Hospital de Santa Cruz e San Pablo, de Barcelona, e á Asociación de pais e amigos dos excepcionais (APAE) de Sao Paulo, Brasil.



Compartir: