Cargando....
Concello de Lugo
04/10/22
NOVAS
Escoita esta páxina

O Alcalde recibe a un grupo de estudantes daneses


#
Participan nun intercambio con alumnos do Galén

Oito alumnos daneses, acompañados por un grupo de estudantes de primeiro curso de BAC do colexio Galén, foron recibidos hoxe polo Alcalde, José López Orozco, e a Concelleira de Xuventude, Rosana Rielo. Este grupo vén de chegar a Lugo cun programa de intercambio. A visita ao Concello estaba encadrada nunha excursión pola cidade.

José López Orozco recibiu a este grupo sobre as once e media da mañá para darlles a benvida e explicarlles o funcionamento do Concello. Ademais, destacou a importancia formativa destes programas de intercambio “que axudan a crear sólidos vínculos entre as culturas e contribúen a formar cidadáns libres e respetuosos”.

O máximo edil lembrou que se vén de conmemorar o cincuenta aniversario da fundación da Unión Europea e sinalou que Europa tivo que reconstruirse tras dúas guerras mundiais, máis o momento actual ten que servir para construir unha Europa asentada na paz e na unión dos pobos.

Rosana Rielo animou aos rapaces a gozar da súa experiencia na cidade e entregoulles pins da Muralla e folletos informativos de Lugo como agasallos institucionais.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova