Os orzamentos do Concello de Lugo para o próximo exercio superarán os 100 millóns de euros
# Venres, 14/12/2007
Consolídanse como uns presupostos de carácter social equilibrados
O Concello de Lugo aprobou en Pleno os orzamentos do Concello de Lugo para o ano 2008. Por primeira vez superan os 100 millóns de euros (100.887.848 euros) e consolídanse como uns orzamentos consensuados, equilibrados e nivelados de ingresos e gastos que pretenden sentar as bases dun futuro moderno, solidario e cohesionado da cidade de Lugo.
A este presuposto hai que engadirlle o orzamento destinado á Empresa Municipal de Vivenda e Solo (EVISLUSA) que é de 1.281.115 euros para a execución das súas actividades, concretadas nos programas de xestión do desenvolvemento urbanístico, posta no mercado das parcelas do Patrimonio Municipal do Solo e xestión dos procedementos de alleamento, axudas do convenio de rehabilitación do casco histórico e rehabilitación do barrio Sagrado Corazón (ARI).
Da suma, resulta un orzamento consolidado de 101.954.964 euros que supón un incremento dun 8,43% con respecto ó elaborado para o exercicio anterior.
O equipo de goberno considera o incremento do gasto como necesario para a cidade de Lugo, xa que se produce principalmente en bens públicos de carácter social (40% do presuposto), co que se pretende mellorar a calidade de vida e o poder adquisitivo dos lucenses, tendo en conta as liñas marcadas pola Axenda 21 Local e os proxectos comprometidos polo Goberno Local.
Os ingresos dos orzamentos do ano 2008 están marcados pola contención fiscal. Non subirán os recibos do Imposto de Circulación nin o IBI, o resto de taxas só se incrementarán co IPC de agosto (2,2), e contémplase a introducción de bonificacións como
- IVTM: vehículos ecolóxicos
- ICIO: rehabilitacións na zona rural
- IIVTNU: transmisións de vivenda habitual por causa de morte.
Os orzamentos aumentan principalmente polos ingresos procedentes do mutuo acordo coa Consellería de Vivenda para a expropiación dos terreos das Gándaras que suporán un total de 6.722.292,3 euros no 2008.
O Goberno Local aposta por uns orzamentos sociais que garantan a igualdade e a calidade de vida de todos os lucenses. Neste senso, o 40% dos orzamentos (máis de 40 millóns de euros) destínaranse á produción de bens públicos de carácter social. Os incrementos máis significativos prodúcense na área de benestar social (57%), cultura (41%), promoción económica e emprego (45%).
Investimento nos servizosO Goberno Local pretende seguir mellorando a calidade dos servizos públicos, e para lograr este obxectivo destinarase unha partida de 33.409.000 euros, o que supón un incremento do 16 % respecto ó 2007.
O Concello investirá 378.000 euros nos programas de promoción de emprego, que contan con recoñecido prestixio a nivel europeo, como o programa europeo Lugoqualitas. O obxectivo é que os lucenses poidan competir en productividade grazas a súa formación co resto dos profesionais europeos.
O servizo de axuda no fogar contará cunha inversión de máis de 600.000 euros, o que pon de manifesto o compromiso do Concello de Lugo no cumplimento da Lei de Dependencia.
A xestión municipal precisa no seu labor das asistencias técnicas, as encargadas de elaborar os estudos e traballos realizados por expertos alleos ó Concello. Ó mesmo tempo, estas asistencias son os encargados da animación sociocultural dos centros cívicos e dos centros de día, das actividades deportivas e educativas, da promoción do turismo e das actuacións nas escolas rurais, o que supón unha partida de máis de dous millóns de euros.
Para o equipo de goberno é fundamental garantir a calidade de servizos como a limpeza de dependenzas e das rúas, a iluminación pública, o mantemento de zonas verdes, a estación depuradora de aguas residuais ou do transporte urbán. Para o seu cumplimento o Concello conta cunha partida de 13.805.150 euros.
A aposta do Goberno local pola calidade do servizo público pasa tamén pola modernización, axilidade e eficacia da administración, para o que investirá un total de 93.500 euros.
Investimento nos barriosO equipo de Goberno liderado polo Alcalde, José López Orozco, realiza un importante esforzo para garantir que todos os lucenses teñan os mesmos dereitos e as mesmas atencións independentemente do barrio no que residan. Neste senso investiranse un total de 22.195.845 euros, dos que o Concello aportará 15.190.400 euros, para completar o mapa de equipamentos da cidade e garantir que todas as zonas de Lugo conten cunha biblioteca, centro cívico e gardería.
A proposta orzamentaria para o 2008 inclúe partidas para realizar obras tan importantes como o novo centro en Montirón Sanfiz (120.000 €), a última anualidade e equipamento no centro socio-cultural de Fontiñas (631.000 €), a ampliación Casa da Muller (200.000 €) ou a Biblioteca Municipal da Piringalla (1.319.000 €).
O presuposto recolle tamén cartos para a consecución dun dos proxectos máis desexados polo Goberno Local: a Casa das Línguas da Piringalla que contará con preto de 500.000 euros para a súa posta en marcha.
O investimento para a rexeneración de pavimentos no centro histórico e nas rúas dos barrios supón unha partida de case 3 millóns de euros.Ademais, investiranse 685.000 euros na iluminación pública, 582.000 en auga e saneamento e de 430.000 euros en obras para a mellora do tráfico e da seguridade vial.
Investimento tecnolóxicoO obxectivo do Equipo de Goberno e eliminar a brecha dixital na cidade, polo que o investimento en novas tecnoloxías inclúe accións para a modernización dos servizos municipais como para os cidadáns. Entre outras destacasn a adquisición de licenzas, intranet nos centros educativos da cidade, ou investimentos para proxectos como Lugo Avanza.
Plan UrbanO Plan Urban é unha das maiores apostas do Goberno Local. Para a súa posta en marcha contará cun investimento de 15 millóns de euros en 6 anos. No 2008 investiranse 2.166.000 euros co fin de modernizar e rexenerar social e económicamente o centro histórico da cidade.
Zona RuralOutro dos obxectivos prioritarios do Goberno Local é a zona rural. Nos orzamentos para o exercicio do 2008 contará cunha partida de case 2 millóns de euros para saneamento e afirmado de núcleos rurais, e de 900.000 euros para asfaltado de pistas.
Medio AmbienteA aposta do goberno local polo medio ambiente e o desenvolvemento sostible reflíctese no investimento de máis dun millón de euros en parques e xardíns que farán de Lugo unha cidade máis habitable.
Compartir: