A Concelleira de Servizos Xerais, Luisa Zarzuela, e a Concelleira de Educación, Dolores Vieiro, participaron nos actos de celebración de San Antón Lacoeiro, patrón dos animais, e que ano tras anos reúne a moitos lucenses que acoden para que os seus animais reciban unha bendición eclesiástica.

A Praza da Soidade acolleu entre as 18:30 e as 20:00 horas os actos desta tradicional celebración que cosistiron nunha misa e na posterior bendición, ademais dunha subasta de produtos para animais donados por distintas casas comerciais.

Este acontecemento organizado polo Concello de Lugo e a Sociedade Protectora de Animais e Prantas congrega cada ano a moitos lucenses que levan á cita ás súas mascotas. Cans, gatos,cabalos e outros animais foron os protagonistas deste festexo.