Cargando....
Concello de Lugo
29/03/24
NOVAS
Escoita esta páxina

O Avaro de Molière pon fin á oitava edición da Mostra de Teatro Clásico


# Martes, 29/01/2008
O Auditorio Municipal Gustavo Freire acolleu sete representacións entre o 22 e o 30 de xaneiro

Unha das pezas máis importantes de Molière, O Avaro, porá fin á oitava Mostra de Teatro Clásico mañá, mércores 30 de xaneiro, ás 20:30 horas no Auditorio Gustavo Freire.

Teatro Galileo achegará ós lucenses esta mestura de escenas prácticamente dramáticas con escenas abertamente hilarantes. A historia céntrase na recreación do modo de vida do personaxe principal, Harpagón, dominado polo pecado da avaricia, que o leva a enfrontarse ós seus seres máis queridos e convertelos nos seus inimigos.

Así remata un ciclo organizado pola Concellería de Cultura e Turismo do Concello de Lugo e Caixanova que achegou á cidade as mellores compañías do panorama nacional, entre as que figuran Teatro La Abadía, Ur Teatro ou a Compañía Nacional de Teatro Clásico.

No ambicioso cartel estiveron presentes os grandes mestres do teatro clásico europeo como Shakespeare, Molière, Edmond Rostand, Lope de Vega, José Zorrilla e Carlo Goldoni.

Dende o 22 de xaneiro foron sete as representacións que serduciron coa maxia do teatro ó público asistente.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova