Este domingo, 2 de marzo, o Pavillón Municipal dos Deportes de Lugo, acollerá o Campionato Provincial de Karate que se disputará a partir das 9:00 horas.

Neste campionato participarán os 150 mellores deportistas de doce clubes da provincia que terán que competir nas modalidades de kata individual, kata por equipos e kumite. Este campionato provincial abarca as categorías benxamín, alevín, infantil, xuvenil e cadete.

O Concelleiro de Deportes, José Manuel Díaz Grandío, presidirá a entrega de trofeos que terá lugar a partir das 13:30 horas.