O coche particular é o medio de transporte máis usado polos lucenses
# Venres, 29/02/2008
Os resultados obtidos na enquisa realizada polo Concello a través da páxina web municipal, para coñecer os hábitos de lucenses para moverse pola cidade, sinalan que o 50,44% dos participantes (con 227 votos) empregan como medio de transporte habitual para moverse pola cidade o seu coche particular.
Entre as tres opcións restantes propostas na enquisa “Qué medio de transporte emprega habitualmente para trasladarse pola cidade?”, os resultados quedaron do seguinte xeito:
- A segunda opción máis votada foi a de camiñar, xa que segundo o 32,88 % dos internautas para desprazarse pola cidade van andando.
- O 11,11 % dos participantes (con 50 votos) empregan o autobús público.
- A bicicleta é o medio de transporte empregado polo 5,5% dos internautas (con 25 votos).
Nesta enquisa participaron 450 internautas. A web municipal, propón unha nova enquisa sobre o acontecemento histórico e social máis importante para a muller.
Compartir: