Con motivo da celebración da Semana Santa, o Concello de Lugo lembra que as oficinas municipais e os centros sociais permanecerán pechados os días 19, 20 e 21 de marzo, excepto a Casa Consistorial que abrirá durante os actos institucionais.

Doutra banda, o edificio de Servizos Administrativos do Concello de Lugo (Seminario Menor) permanecerá pechado polas tardes entre os días 14 e 25 de marzo debido ás quendas vacacionais e as mañás dos sábados 15 e 22 de marzo.

Respecto aos centros sociais municipais, os días santos, 19 20 e 21 de marzo, permanecerán pechados agás o Centro Social da Milagrosa, que abrirá pola tarde en horario de 16:30 a 21:30. A cafetería deste centro, ademais abrirá polas mañás.

Os sábados, días 15 e 22 de marzo, abrirán no horario habitual todos os centros sociais, excepto o CSM do Sagrado Corazón, que só abrirá pola tarde. Os domingos 16 e 23 de marzo, abrirán no seu horario de costume.