Cargando....
Concello de Lugo
28/03/24
NOVAS
Escoita esta páxina

O Teatro chegou ao Concello de Lugo da man de Mela Casal e Gloria Ferreiro


# Mércores, 26/03/2008
As dúas actrices lembraron que o día 27 de marzo é o Día Mundial do Teatro

O Alcalde de Lugo, José López Orozco e a Concelleira de Educación, Dolores Vieiro, contaron cunhas convidadas de excepción para lembrar aos lucenses que mañá é o Día Mundial do Teatro: as actrices Mela Casal -a alcaldesa da serie Mareas Vivas- e Gloria Ferreiro.

López Orozco explicoulles a “aposta forte que fai o Concello para a formación teatral e tamén para a programación continuada de obras de teatro”. O mandatario municipal destacou a traxectoria profesional de Casal e Ferreiro “veñen ademais a unha cidade que ama o teatro, aí está a nosa programación, teatro galego, clásico, grecolatino, maxia e unha Aula Municipal de Teatro que imparte clases durante todo o ano”.

A Aula de formación teatral do Concello comeza a súa andadura no ano 2002 baixo a dirección de Xuventude, faino como un curso de iniciación que se prolonga dende xaneiro a xuño do mesmo ano. A partir do 2005 pasa a formar parte da Concellería de Educación, tendo como espazo de traballo o Centro Social de Fingoi.

Durante o presente ano, a Aula, desenrola o seu traballo en dous grupos de adultos e nove grupos máis en distintos centros de ensino público da cidade: Colexio especial Santa María, Fingoi 2, Casas, Anexa, Virxe dos ollos grandes, As mercedes, Leiras Pulpeiro, Sagrado Corazón e A Ponte.

Tanto o responsable municipal como as actrices destacaron a importancia cultural e o papel socializador e educador do teatro “un pode vivir neste mundo outras vidas”.

López Orozco anunciou ademais que un dos proxectos do equipo de goberno é a Casa do Teatro, xa recollido nos orzamentos deste ano. “En Lugo hai unha gran aficción polo teatro e o mundo da escena en Galicia parece que vai ocupando o seu lugar”.

Coincidindo co Día do Teatro o Concello de Lugo dende a súa Concellería de Educación, organiza teatro nas Escolas e tamén polas rúas. Os Clowns “Pallasos”, Larapeto e Zapatollas, formado por ex alumnos da Aula de teatro, farán un ano máis un percorrido por distintos colexios de primaria para darlle a coñecer aos máis pequenos o día a celebrar.

O Alcalde entregoulles ás actrices, como recordo da cidade, unha maqueta da Muralla. Mela Casal contou a anécdota de que ela sempre que viaxa a algún punto da provincia de Lugo acaba perdéndose dando un paseo arredor da Muralla.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova