O Alcalde de Lugo, José López Orozco, recibiu esta mañá na Casa do Concello a un grupo de 45 cativos de 4 anos, alumnos do Colexio lucense Menéndez y Pelayo.
Os rapaces visitaron por primeira vez a Casa do Concello acompañados dalgúns dos seus profesores e tamén dalgúns pais.
O Alcalde quixo saber o coñecemento que os rapaces tiñan sobre o traballo que se realiza dende o Concello. A construción de parques infantís, rúas ou a limpeza dos colexios foron algunhas das actuacións ás que se referiron.
López Orozco tamén quixo saber qué era o que os máis cativos fan polo Concello e pola cidade. Os cativos responderon que estudar e manter limpas as rúas.
Ao remate da recepción os alumnos recibiron uns agasallos do Concello.