Cargando....
Concello de Lugo
29/03/24
NOVAS
Escoita esta páxina

A Oficina de Turismo de Lugo recibiu máis de 2.000 consultas no SITC


# Luns, 21/04/2008
O Lugo romano, as sendas e a guía de Lugo Accesible espertaron un gran interese no salón de turismo catalán

Un ano máis a Oficina de Turismo do Concello de Lugo estivo presente no Salón Internacional de Turismo de Catalunya (SITC 2008), que se celebrou en Barcelona entre o 17 e o 20 de abril.

A cidade de Lugo participou como co-expositor de Turgalicia xunto con outras cidades como A Coruña, Ferrol, Santiago de Compostela e Vigo. O evento rexistrou unha alta participación tanto de público en xeral como de profesionais do sector turístico.

Lugo tivo unha acollida moi boa como destino turístico entre o público asistente á feira, os profesionais do sector e a prensa especializada. Entre a nosa oferta turística, espertaron un gran interese a Ruta polo Lugo Romano, a Rede de Sendas, a Guía Lugo Accesible, a gastronomía e os aloxamentos da cidade.

Durante os catro días que durou o SITC, o mostrador de Lugo recibiu máis de 2.000 consultas de información. Confírmase así que o mercado catalán é importante para o turismo lucense, ao tratarse dunha das principais Comunidades Autónomas emisoras de turistas á cidade e ademais un mercado fiel que repite a visita.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova