Cargando....
Concello de Lugo
29/03/24
NOVAS
Escoita esta páxina

O Alcalde de Lugo recibe na Casa do Concello ao Embaixador de España no Vaticano Francisco Vázquez


# Xoves, 22/05/2008
É a primeira vez que visita a cidade dende que foi nomeado representante de España na Santa Sede en Roma

O Alcalde de Lugo, José López Orozco, recibiu ao Embaixador de España na Santa Sede, Francisco Vázquez. É a primeira visita institucional que realiza dende que é Embaixador, aínda que fixo numerosas viaxes á cidade como alcalde de A Coruña, fundamentalmente na Ofrenda ao Santísimo que se fai no Corpus lucense.

López Orozco entregoulle como agasallo un libro de Poetas de Lugo, o discurso da Ofrenda ao Santísimo Sacramento feito polo Alcalde cando o Concello de Lugo foi o oferente na Ofrenda do Antigo Reino de Galicia, e tamén unha nova publicación que fai o Concello para este Corpus e que recolle a Oda ao Santísimo Sacramento do Altar de Federico García Lorca.

Francisco Vázquez é Embaixador no Vaticano dende o ano 2006, cando deixou de ser alcalde de A Coruña. O cargo de responsable municipal ocupouno dende o ano 1983 con maioría absoluta, converténdose nun dos alcaldes máis carismáticos da cidade herculina.

O Embaixador asinou no libro de honra do Concello: “Es para mi un gran honor y una gran satisfacción visitar nuevamente la ciudad de Lugo, cuna de nuestra historia y ejemplo permanente de una convivencia basada en los principios de la tolerancia y el respeto, en el afán común del progreso y defensa de los intereses de los ciudadanos. Con todo mi respeto a su Corporación Municipal y mi afecto y admiración a su gran alcalde” .

Posteriormente o Alcalde acompañou ao Embaixador ata o Círculo das Artes onde Francisco Vázquez pronunciaba unha conferencia organizada por Cáritas con motivo do Día da Caridade.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova