Mañá, venres 6 de xuño, remata o prazo de inscrición para participar no torneo de xadrez que se celebrará o vindeiro domingo, 8 de xuño, de 16:30 a 19:00 horas, na Praza Maior e que está organizado pola Concellería de Educación que dirixe Dolores Vieiro.
Os interesados en participar no torneo deberán realizar a inscrición, entregando o formulario aos monitores e monitoras do seu colexio, chamando ao teléfono da Escola de Xadrez 657 974 937 ou escribindo un email a castruperyahoo.es.
O torneo será totalmente gratuito e os emparellamentos realizaranse a través do programa informático Swiss Perfect.
Haberá premios para os mellores clasificados e clasificadas e un agasallo como recordo para todos os participantes.
Neste torneo haberá cinco categorías:
- Menores de 10 anos
- Menores de 12 anos
- Menores de 14 anos
- Menores de 18 anos
- Familiares dos participantes (acompañantes)