Cargando....
Concello de Lugo
29/03/24
NOVAS
Escoita esta páxina

A Banda Municipal de Música de Lugo dedica un concerto a Manuel Curros Enríquez no centenario da súa morte


# Domingo, 08/06/2008
Será o vindeiro día 12 ás 20:00 horas no templete da Praza Maior

A Banda Municipal de Música que depende da Concellería de Cultura do Concello de Lugo, dedicará o concerto do día 12 de xuño ao poeta galego Manuel Curros Enríquez en homenaxe ao centenario da súa morte.

O concerto que terá unha duración dunha hora, dará comezo ás 20:00 horas e terá lugar no templete da Praza Maior. A homenaxe rematará coa interpretación dunha versión instrumental de Unha noite na eira do trigo.

Esta iniciativa únese a unha serie de actos que están tendo lugar en toda Galicia para conmemorar os 100 anos dende o falecemento do escritor Curros Enríquez

Manuel Curros Enríquez naceu en Celanova no ano 1850. levou unha vida errante de xornalista combativo, e como poeta  formou xunto a Rosalía de Castro e Eduardo Pondal, a gran tríada do Rexurdimento Galego.

Curros escribiu entre outros títulos: Aires da miña terra ou O divino sainete

O 5 de xuño de 1869, mentres estudaba en Madrid, escribiu a súa célebre Cantiga, que co primeiro verso transformado en Unha noite na eira do trigo, sería unha das Seis baladas galegas para piano e voz de Xoán Montes, creador da Banda Municipal lucense.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova