Cargando....
Concello de Lugo
28/03/24
NOVAS
Escoita esta páxina

Sesión ordinaria do Padroado da Fundación Feiras e Exposicións de Lugo


# Venres, 27/06/2008


A sesión ordinaria do Padroado da Fundación Feiras e Exposicións de Lugo, celebrada no Pazo de Feiras e Congresos de Lugo hoxe venres 27 de xuño de 2008, contou coa asistencia de: Ana María Rúa Souto, Directora Xeral de Comercio e Consumo da Consellería de Innovación e Industria, que presidiu o Padroado; Ramón Cortés, Delegado Provincial en Lugo da Consellería de Innovación e Industria; Luís Abelleira, presidente de APREVAR; Xosé Clemente López Orozco, Alcalde de Lugo; Xosé Anxo Lage Suárez, concelleiro de Lugo; Xosé Manuel Barreiro, concelleiro de Lugo; José Luis Otero Feijoo, Presidente de Fundiciones Pardo; José María Seijas, Presidente da Federación Galega de Comercio; e Xosé Antón Bao, Vicepresidente primeiro da Deputación Provincial de Lugo.

 Ademais, completaron o Padroado Lourdes Pardo, Secretaria da Fundación Feiras e Exposicións de Lugo e Rubén López, Director Xerente do Pazo de Feiras e Congresos de Lugo.

Conclusións e acordos adoptados
 A reunión do Padroado, celebrada na Sala de Xuntas do feiral, transcorreu con total normalidade e nela tomáronse os seguintes acordos e resolucións:

1. Informe sobre as actividades realizadas no primeiro semestre de 2008 no Pazo de Feiras e Congresos de Lugo: debate e aprobación, felicitando á xestión polo incremento que ano tras ano se produce no número de actividades programadas e executadas. O xerente expuxo unha evolución por eventos dende 2004 ata 2008, onde se contempla un aumento considerable no número e variedade de actividades.
2. Estudio e aprobación das Contas do Exercicio 2007.
3. Estudio da proposta dun Convenio de Colaboración coa Asociación Provincial de Empresarios de Hostalería para establecer no Pazo de Feiras e Congresos un Centro de Formación de Hostalería na cafetería e nas cociñas do mesmo.
4. Estudio da petición do C.D. Lugo de cesión de terreos pertencentes á Fundación Feiras e Exposicións para a construcción dun campo de fútbol.

No caso dos dous últimos puntos, o Padroado aprobou a cesión dun convenio. Dita decisión está condicionada á redacción de dous pliegos de condicións sobre os que o Padroado comezará a traballar en breve. Logo da redacción e, co acordo das dúas partes, se poderán pechar definitivamente ditos acordos, tanto co CD Lugo como coa Asociación de Hostalería de Lugo.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova