Imprimir

A MAIORÍA DOS LUCENSES VALORA POSITIVAMENTE QUE O PORTAL WEB MUNICIPAL PERMITA CADA VEZ MÁIS XESTIÓNS ON-LINE


23/7/2008 Nesta enquisa participaron máis de 200 persoas

O Concello de Lugo realizou unha enquisa on-line sobre a opinión dos lucenses sobre o novo portal web www.lugo.es. A maioría dos participantes (case o 40%) valoran moi positivamente que cada vez permita máis xestións on line.
 
Para o 22,06% dos participantes (con 47 votos) o novo portal é máis útil e claro, mentres que o 16,43%% dos internautas (con 35 votos) opinan que ten máis contido e un deseño máis limpo.

So o 15,02% pensa que non era necesario o cambio.
 
Nesta enquisa, que permaneceu activa entre o 27 de maio e o 23 de xullo, participaron un total de 214 persoas a través de www.lugo.es.