Cargando....
Concello de Lugo
28/03/24
NOVAS
Escoita esta páxina

O derradeiro curso do IV Teateatre estudará a presenza do actor


# Domingo, 24/08/2008
A actividade formativa terá lugar entre o 25 e o 29 de agosto no Centro Sociocultural de Fingoi

A cuarta edición do Teateatre chega ao seu fin esta semana co último curso de formación dramática para profesionais e afeccionados dos tres ofertados. Este programa, desenvolvido entre os meses de xullo e agosto na cidade, pretende servir de foro de encontro, formación e creación para actores e amateurs do teatro.
O derradeiro curso, Estudo da presenza do actor. Construción da personaxe será impartido pola actriz e profesora do Movemento e Dramaturxia, Isabel Úbeda, entre os días 25 e 29 de agosto en horario de 9:00 a 13:00 horas ou de 16:00 a 20:00 horas no Centro Sociocultural de Fingoi.
Os outros cursos dos que constou a actual edición do Teateatre  desenvolvéronse baixo o título de O corpo da voz e Guión. Comeza a aventura. O director de escena e profesor de voz e linguaxe, Vicente Fuentes, impartiu o primeiro dos seminarios que se celebrou entre o 25 e o 29 de xullo, dedicando a quenda de mañá a traballar o corpo e a voz e a quenda de tarde á realización dun laboratorio de voz.
O segundo dos cursos foi impartido por Tatiana Rodríguez Vázquez, guionista de cine, televisión e teatro. Baixo o título Guión. Comeza a aventura explicou a principios do mes de agosto as técnicas para crear dende unha idea unha boa historia que contar e representar.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova