Cargando....
Concello de Lugo
12/07/20
NOVAS
Escoita esta páxina

Escola Obradoiro A Memoria da Cidade


# Mércores, 29/10/2008


O proxecto de Escola Obradoiro “A memoria da cidade” está concebido para formar a 33 alumnas e alumnos traballadores. Os módulos que se impartirán na Escola serán os seguintes:

- Xestión documental
- Restauración do patrimonio
- Imaxe dixital

O obxectivo principal que se pretende acadar ao remate do proxecto é:
 
- Recuperar para a cidade un conxunto de obras e documentos escritos de alto valor histórico de propiedade municipal, que actualmente se atopan en deficiente estado de conservación.

- Avanzar significativamente no tratamento documental integrado do propio Arquivo Municipal.

- Conseguir a imaxe dixital plena de todos os documentos gráficos que pertencen ó Arquivo.

- Facilitar a formación e a experiencia profesional a persoas desempregadas menores de 25 anos.

A Escola terá unha duración de 18 meses e desenvolverase en tres fases cada unha de 6 meses.

O prazo de execución será do 1 de decembro de 2008 ata o 30 de maio de 2010.
 
O orzamento é de 655.035, 40 €.

Na actualidade o Arquivo Municipal conta con arredor de 17.000 caixas de documentos gardadas no depósito e 3.000 no histórico, e con máis de 500 planos, fotografias e libros de actas de antes de 1812.

A primeira tarefa desta escola obradoiro será a contabilización de toda a documentación presente no arquivo.

A memoria da cidade, permitirá aumentar os recursos informativos de cara á cidadanía e poñer en valor o rico patrimonio documental do Concello de Lugo.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova