Cargando....
Concello de Lugo
28/03/24
NOVAS
Escoita esta páxina

Elexido o cartel anunciador das xornadas de Diversiarte 2008


# Venres, 07/11/2008
O gañador do concurso de deseño gráfico convocado polo Concello de Lugo será premiado cunha videoconsola

O xurado do concurso de deseño gráfico Diversiarte 2008, composto pola Concelleira de Muller e Benestar Social, Carmen Basadre, e representantes de diversas asociacións de persoas con discapacidade de Lugo, elixiron ao que será o cartel anunciador do programa deseñado polo Concello de Lugo para conmemorar o Día Internacional das Persoas con Discapacidade como se ven facendo dende fai sete anos. 

O autor gañador, Pablo Fariña Franco, elaborou a súa obra co obxectivo de sensibilizar e promover a idea de que na diversidade é posible a igualdade. O seu deseño, como se establecía nas bases do concurso, destaca a discapacidade como unha relación co contorno, considerando con especial interese a representación de valores como a diversidade, dignidade, recoñecemento, vida independente, así como inclusión e participación social, en definitiva, os dereitos humanos.

O gañador recibirá un premio consistente nunha consola Wii, mentras que os demais autores recibirán un diploma pola súa participación.

 




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova