Cargando....
Concello de Lugo
23/02/20
NOVAS
Escoita esta páxina

Máis de 2.000 rapaces participaron no certame Educar para Previr. Os hábitos saudables organizado polo Concello de Lugo


# Mércores, 24/12/2008


A Concelleira de Muller e Benestar Social, Carmen Basadre, entregou os premios aos participantes na décimocuarta edición do certame Educar para Previr que este ano contou coa participación de máis 2.000 estudantes de Primaria (de 6 a 12 anos) dunha vintena de centros educativos da cidade.

A cifra de participantes multiplicouse dende que o Servizo de Prevención de Drogodependencias do Concello de Lugo comezou a celebrar este certame no ano 2003, cando contou con 742 participantes. Ano tras ano, o programa conta cunha mellor acollida, xa que Educar para Previr converteuse en toda unha tradición nos centros educativos, aos que se conseguiu implicar e sensibilizar no tema da prevención das drogas.

Nesta edición, a temática dos debuxos que os nenos e nenas participantes tiveron que facer, estaba vencellada aos hábitos saudables. O obxectivo desta proposta é que os rapaces e rapazas reflexionen sobre a importancia de accións como comer froita, durmir as horas precisas ou practicar deporte.

Seleccionáronse 16 gañadores que recibiron un diploma e un agasallo sorpresa nun acto que tivo lugar no Centro social Uxío Novoneira. Cos debuxos premiados, a Concellería de Muller e Benestar Social fará 1.000 calendarios que serán repartidos a todos os centros educativos da cidade.

Educar para previr, presenta a figura dos pais, nais e titores como referentes fundamentais na formación dos cativos de entre 6 e 12 anos, que se atopan nun momento trascendental da súa evolución e da súa correcta orientación hacia o futuro.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova