Cargando....
Concello de Lugo
21/10/20
NOVAS
Escoita esta páxina

Lugo acolle esta fin de semana o XXI Campionato Galego en Sala de Tiro con Arco


# Xoves, 08/01/2009
Participarán 90 dos mellores arqueiros e arqueiras de Galicia

O Concelleiro de Deportes, José Manuel Díaz Grandío, e o Presidente da Federación Galega de Tiro con Arco, Jorge Mato, presentaron esta mañá o XXI Campionato Galego en sala de tiro con arco que terá lugar o vindeiro sábado 10 de xaneiro na cidade.

Un total de 90 arqueiros e arqueiras, os mellores de toda Galicia, competirán  dende as 16:00 horas no polideportivo do IES Lucus Augusti.  A ronda eliminatoria terá lugar a partir das 20:00 horas e sobre ás 20:45 horas realizarase a entrega de trofeos aos gañadores de cada unha das categorías.

O Concelleiro agradeceu á Federación Galega de Tiro con Arco a elección de Lugo para a celebración deste campionato e resaltou “o importante incremento que se está a rexistrar na cidade do número de deportistas, clubes e modalidades deste deporte”.

Pola súa banda, Jorge Mato explicou que a proba que se celebará esta fin de semana será a última gran competición  de inverno antes do campionato de España  que se celebrará en Alicante a finais do mes de febreiro.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova