Mañá sábado 17 de xaneiro celébrase a tradicional Carreira Noctura de Reis na praza Horta do Seminario de Lugo a partir das 19:00 horas. Esta carreira supón a segunda carreira do circuíto Corre con Nós desta edición 2008/2009.
Estas probas son unha das convocatorias deportivas máis importantes de Lugo, cun renome nacional e cunha estrutura que está a ser copiada por outras competicións do territorio español.
Nesta carreira participarán, máis de 1.200 rapaces e preto de 1.300 adultos que participarán seguindo os seguintes horarios:
- 1ª carreira categoría A ás 19:00 h : 680 m
- 2ª carreira categoría B : 1.400 m
- 3ª carreira categoría C-D: 1.900 m
- 4ª carreira Adultos: 4.100 m
Cortes de tráfico:
18:30 H : Corte de tráfico previsto na Av. Ramón Ferreiro a ambos lados da mediana dende as 18:30 horas entre Irmáns Pedrosa e Pintor Corredoira.
19:OO H : Corte de tráfico previsto entre a Praza de Avilés e Áncora (Mariña Española).
19:30 H : Corte de tráfico entre Praza de Avilés e Fonte do Rei.
Horario dos Cortes Previstos ata ás 20:15 horas para todas as rúas agás o primeiro corte das 18:30 horas (Pintor Corredoira- Praza Irmáns Pedrosa) que permanecerá pechado para a desmontaxe da infraestrutura da organización ata as 20:30 horas.