Cargando....
Concello de Lugo
28/03/24
NOVAS
Escoita esta páxina

Uxía presenta o seu novo traballo este xoves no Círculo das Artes de Lugo


# Mércores, 21/01/2009
Enmarcado dentro do ciclo Lubicán que coordina a USC

A cantante galega Uxía ofrecerá este xoves 22 un concerto ás 21:00 horas no Salón Rexio do Círculo das Artes, para presentar o seu disco titulado ‘Eterno Navegar’. A artista abre así a segunda edición do ciclo Lubicán, dentro da programación do Convenio Lugo Cultural, no que están integrados a USC, o Concello de Lugo, a Consellaría de Cultura, a Deputación Provincial e a Fundación Caixa Galicia.

Trátase do primeiro concerto que celebra este ciclo no 2009, que manterá a súa cita cada cuarto xoves de mes para ofrecer ao público lugués a música feita por grupos galegos de diferentes estilos e con diferentes formacións.

Máis de vinte anos de carreira artística converten esta cantante nunha das voces máis populares e valoradas da lingua galega. Nas súas cancións está sempre presente a música tradicional, cun tratamento anovador e persoal. Neste novo traballo mestura sonoridades atlánticas e ritmos africanos co seu estilo intimista. Uxía estará acompañada de Quine (Joaquim Teles), Xacobe Martínez, Santiago Cribeiro e Paulo Borges.

Os concertos do ciclo Lubicán continuarán o 26 de febreiro coa actuación do Trío Vaamonde, na Escola de Formación do Profesorado.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova