Cargando....
Concello de Lugo
29/03/24
NOVAS
Escoita esta páxina

O Alcalde recibe no Concello aos xogadores lucenses da selección galega de fútbol sala sub 20, campiona de España


# Mércores, 25/02/2009


Imaxe Asociada
  • Imaxe Asociada
  • Sub 20
  • Sub 20

O Alcalde de Lugo, José López Orozco, o Voceiro Municipal, José Rábade, e outros membros da Corporación Municipal recibiron na Casa do Concello aos xogadores lucenses do equipo galego de fútbol sala sub 20 que a pasada fin de semana se corou campiona de España nesta categoría.

A selección galega superou na final, disputada en Santiago de Compostela, á de Castela e León con un 5 a 2. Entre os xogadores galegos había unha ampla representación lucenses, como os xogadores do Azkar que foron recibidos no Concello, Hugo, Óscar e Carlos López.

Nesta competición participaron nove seleccións territoriais. O alto nivel da competición demostrouno que moitas delas contaron con xogadores que actualemente actualmente militan na División de Honra.

O Alcalde resaltou a importancia do equipo para a cidade e agradeceulle aos xogadores que sirvan de exemplo para a mocidade lucense, que vexan como se aprecia aos deportistas e os anime a facer deporte para levar unha vida saudable. López Orozco resaltou que “todos temos que colaborar co deporte de base, e calquera que faga a súa aportación será benvido sempre na Casa do Concello”.

O Alcalde entregou aos xogadores como recordo da súa visita ao Concello unha medalla de Sargadelos.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova