Cargando....
Concello de Lugo
29/03/24
NOVAS
Escoita esta páxina

O Alcalde de Lugo visita o xardín e o parque infantil de Gallego Tato


# Luns, 23/03/2009
Todos os veciños e veciñas de Lugo teñen unha zona verde moi preto dos seus portais

Imaxe Asociada Xardins Gallego Tato
O investimento total da nova zona verde e de lecer é de 116.759 euros

O Alcalde de Lugo visitou hoxe o xardín e o parque infantil da rúa Gallego Tato, no barrio lucense de A Piringalla. Trátase dunha zona verde e de esparcemento de 1.300 metros cadrados, na que se prantaron 12 árbores e 160 arbustos. O xardín dispón tamén dunha fonte, 10 bancos e 7 papeleiras.

A zona de xogos infantís ocupa unha superficie de 210 metros cadrados, provistos dun pavimento continuo de seguridade, que se adapta á normativa europea e garante o benestar dos máis novos que usen o recinto.

O orzamento que se adicou á creación desta zona verde e de esparcemento é de 116.759 euros.

O Alcalde de Lugo, Xosé López Orozco, asegurou que coa construción do xardín e mailo parque infantil se deu cumprimento ao compromiso establecido cos veciños e veciñas do barrio, ao tratarse dun espazo moi demandado e que xa no Plan Xeral de Ordenación Municipal aparece como zona verde.

A construción da área de xogo e lecer en Gallego Tato resposta a unha petición xeralizada dos veciños, pero tamén aos desexos do Concello de Lugo, que prosegue nos seus traballos para equilibrar os barrios do municipio, da zona norte e da zona sur, facendo que todos estén equipados con servizos e dotacións. Con este novo espazo verde, conséguese ademais que todos a cidadanía lucense teña unha zona verde moi preto do seu portal.

Con este novo xardín e parque infantil, o concello de Lugo goza xa de 534.000 metros cadrados de zona verde e dispón de 44 xogos infantís, repartidos por todos os barrios do municipio.


Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova