A Concellería de Protección da Comunidade, que dirixe José Rábade, continúa a traballar nas accións de mellora na seguridade vial coa instalación de dous novos radares e o sistema “foto-rojo” na Ronda da Muralla, unha das vías máis transitadas da cidade.

O sistema “Fotorojo”, que se está a instalar na Ronda da Muralla á altura de Bispo Odoario, servirá para capturar as matrículas daqueles vehículos que pasen os semáforos en vermello.

Por outra banda os novos radares estarán situados en frente do Edificio Multiusos da Xunta de Galicia en Lugo.

O obxectivo do Goberno Local é garantir a seguridade da cidadanía a través do control.

As previsións é que no prazo de quince días estean xa instalados, despois terán que pasar a inspección do Servizo Nacional de Metroloxía para comprobar a súa homologación e que podan comezar as probas para poñelos en funcionamento.