Cargando....
Concello de Lugo
21/05/22
NOVAS
Escoita esta páxina

O Concello de Lugo homenaxea ás xogadoras do Emevé Aida, Iris e Patricia


# Domingo, 28/06/2009
Descubriuse unha placa na entrada da Casa do Deporte co nome das xogadoras e do seu club


Imaxe Asociada Imaxe Asociada

O Alcalde de Lugo, José López Orozco, o Presidente da Deputación Provincial, José Ramón Gómez Besteiro, membros da Corporación Municipal, representantes do Club Emevé e outras autoridades, descubriron esta mañá na Casa do Deporte do Concello de Lugo unha placa na honra das xogadoras do Emevé falecidas nun tráxico accidente de tráfico o pasado mes de maio. Neste acto tamén estiveron presentes familiares e amigos das rapazas.

A placa, sita na entrada do centro deportivo da cidade, conta cunha lembranza ao club e os nomes completos das mozas homenaxeadas: Aida Cela, Iris Arias e Patricia Xavier.

Ademais, o Concello decidiu darlle o nome de cada unha das rapazas -Patricia, Iris e Aida- a cada unha das canchas da Casa do Deporte que de forma habitual emprega este club para os seus adestramentos.

Deste xeito o Concello de Lugo, conxuntamente co club Emevé, quixo renderlles unha homenaxe e lembrar, dende un centro deportivo como é a Casa do Deporte, o traballo realizado por este club e estas rapazas, recoñecer así a súa dedicación polo voleibol lucense que ten acadado importantes títulos deportivos levando o nome da cidade ao máis alto.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova