Cargando....
Concello de Lugo
01/12/20
NOVAS
Escoita esta páxina

O Alcalde de Lugo e a Concelleira de Muller e Benestar Social visitan as clases de Tai-Chi ao aire libre organizadas polo Concello


# Luns, 20/07/2009
É unha das actividades da programación de verán que conta cun maior número de participantes


Imaxe Asociada Imaxe Asociada

O Alcalde de Lugo, José López Orozco, e a Concelleira de Muller e Benestar Social, Carmen Basadre, asistiron esta tarde a unha das clases de Tai-Chi ao aire libre englobada dentro da programación de actividades Verán en Lugo organizada polo Concello.

O pasado 2 de xullo, comezou esta actividade que se ven celebrando dende fai anos e que recibe unha exitosa acollida entre os lucenses.

O Alcalde e a Concelleira puideron coñecer de primeira man cómo esta disciplina milenaria non ten ningunha contraindicación médica polo que está recomendada para persoas de todas as idades. A súa práctica favorece a elasticidade corporal, a coordinación de movementos e o sentido do equilibrio, ademais de fomentar a serenidade.

Este verán, o Tai Chi ao aire libre impártese os luns e os mércores de 19:30 a 20:30 horas no Parque da Milagrosa, e os martes e os xoves de 10:30 a 11:30 horas no Parque de Rosalía de Castro.

Para poder participar non é preciso inscrición previa, ademais é unha actividade aberta ao público e gratuíta. Os interesados en asistir só teñen que presentarse nas clases con roupa e calzado cómodo e con vontade de relaxarse.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova